اتكلمنا في السابق عن الأسرة التالتة من الأسر الحاكمة لمصر في عهد الدولة القديمة، وعرفنا إن آخر ملك هو الملك (حوني)، وكان ليه ابنة: وهي الأميرة (حتب) حورس اللي كان لقبها(ابنة الإله) وبذلك يكون لها الحق في وراثة العرش بعد أبيها، وتعتبر الأميرة حتب حورس هي حلقة الوصل بين الأسرة الثالثة، والأسرة الرابعة اللي احنا هنتكلم عنها في السطور الجاية .
بداية، وقبل الدخول في تفاصيل ملوك الأسرة الرابعة، وانجازاتهم هنقولهم الأول بالترتيب : (سنفر، خوفو، جدف رع، خفرع، منكاورع وأخيرا شبسسكاف). هنبدأ من عند الملك سنفرو:
الملك سنفرو
كان أول ملوك الأسرة الرابعة، و حصل علي وضعه كملك شرعي للبلاد من خلال زواجه بالأميرة حتب حورس، واختلفت الآراء حول مدة حكمه للبلاد (فمانيتون) بيقول أنه حكم حوالي 29 سنة أما) بردية تورين) فبتقول إنه حكم 24 سنة والواضح أن انجازات الملك سنفرو وفتوحاته العسكرية هي اللي خلت العلماء يعتبروه مفتتح عصر جديد .
ومن خلال حجر أثري معروف بـ) حجر بالرمو) وصل لينا أن الملك سنفرو قام ببعثات حربية للنوبة عاد منها بــ : 7000 أسير، و200ألف رأس ماشية ثم إتجه إلي ليبيا؛ ليعود منها بـ :11ألف أسير، و131 ألف رأس ماشية، وكمان أرسل أسطولًا بحريًا أربعين قاربًا إلي لبنان؛ لإحضار أخشاب الأرز؛ علشان يستخدمها في البناءووجدوا بقايا منه في هرمه الجنوبي في دهشور .
كمان هنلاقي نقوش وادي المغارة بتقول إنه بعت حملات لسيناء؛ لإحضار أحجار الفيروز، والنحاس .والمصريين نفسهم اعتبروه حامي للمنطقة دي بجانب الإلهة (حتحور)، والإله (سوبد). وتقريبًا السبب في ده؛ إنه قام بأعمال كبيرة لحماية الحدودالشرقية . مهما وصلت أعمال سنفرو من الجمال فهي متوصلش روعة أو جمال بالنسبة لأعماله الخالدة الموجودة في دهشور علي بعد أربعة أميال جنوبي سقارة.
سنفرو بني هرمين، وكمل بناء هرم الملك الأخير للأسرة الثالثة (حوني) في ميدوم …، أما بالنسبة للهرمين اللي بناهم سنفرو فهم : الهرم منكسر الأضلاع، وده ارتفاعهحوالي 101 متر وهو هرم مميز عن باقي أهرام مصر؛ علشان له مدخلين مشمدخل واحد واحد في الجهة الشمالية، والتاني في الجهة الغربية كمان الأغلفة الخارجية ليه لسه زي ماهي مأثرش فيها تغيرات الزمن . شمال الهرم الأول بحوالي
2 كم هنلاقي الهرم التاني اللي يعتبر أول هرم حقيقي في تاريخ العمارة المصرية، وارتفاعه 90 متر، وطول ضلع القاعدة 220 متر، وهنلاحظ إن كهنة مصر أطلقوا علي الهرمين اسم) خع سنفرو) ومعناها الملك سنفرو يشرق ). ويعتقد أن الملك سنفرو مدفون في الهرم الجنوبي، لأن كان فيه اهتمام كبير بتشييد جميع أجزاؤه وخصوصًا الخاصة بالشعائر الجنزية . وبالنسبة لمقابر العائلة، والكهنة، والمقربين فقد انتشرت في الجهة الشرقية للهرم الشمالي . ومات سنفرو بعد حكم دام حوالي 24 عامًا ليخلفه ابنه خوفو من زوجته حتب حورس، والتي دفنت شرق هرم ابنها خوفو، وتوجد محتويات هذه المقبرة في المتحف المصري .
الملك خوفو :
خليفة الملك سنفرو واختلفت الآراء حول مدة حكمه مابين 23 سنة حسب بردية تورين) و63 سنة (حسب مانيتون ) وكل اللي نعرفه عن خوفو حاجات ضئيلة بالنسبة لفترة حكمه نظرًا إن حجر بالرمو قد تعرض للتلف في الجزء الخاص بخوفو وعلى العموم فإن أهم مانعرفه عنه أنه أرسل الحملات لسيناء؛ لإحضار الفيروز، وكذلك بنى معجزته الهندسية المتمثلة في الهرم الأكبرK واتسمي برده بـ)آخت خوفو) ومعناها (أفق خوفو) .
هنتكلم في السطور الجاية عن الهرم الأكبر :
الهرم ده وصل ارتفاعه لـ 146 متر، وحاليًا بقي 137 متر، وطول القاعدة المربعة 230 متر، ويشغل مساحة تزيد عن 12 فدانًا.
والسؤال المتكرر كتيييييير : ازاي اتبنى الهرم ده ؟ هل فعلًا كائنات فضائية، ولا بالسحر، والشعوذة 😀 .. هنا هنلجأ لكلام المؤرخ (هيرودوت) اللي زار مصر مابين عامي 448 و 445 ق.م ومن اللي قاله إنه اشترك حوالي 100ألف عامل في هذا المشروع حيث أن كل 100ألف بيشتغلوا لمدة 3 شهور، وبعدين ييجي غيرهم ،وكمان احتاجوا في بناء الريق الصاعد لنقل الأحجار 10 سنين، والهرم نفسه 20 سنة، وحسب رواية هيرودوت فهم استعملوا نوع من آلات الرفع إما آلة واحدة سهلة النقل أو أكثر من آلة؛ لنقل الحجارة من الطابق الأدنى للطابق الأعلى .. وشغلهم بدأ من الجزء العلوي ثم الأوسط وبعدين الجزء السفلي القريب من الأرض . بس بالرغم من كلام هيرودوت، واللي معناه إن الهرم قعد 30 سنة في بنائه، وأصلًا خوفو حكم 23 سنة بس حسب بردييات المصريين فممكن يكون مع هيرودوت مترجم غير مثقف .
طبعًا فيه اتهامات كتير بخصوص إن الملك خوفو استعبد شعبه في بناء الهرم بتاعه بنظام السخرة .. أولًا لازم نعرف إن خوفو نفسه كان حريص علي عدم بطالة شعبه … فكان الشغل بيتم بس في الـ 3 شهور بتوع الفيضان اللي المية بتغطي فيهم الأراضي الزراعية، ومبيكونش فيه زراعة … كمان أصلًا الاقتصاد كان قوي أوي في عهد خوفو، وبعده خفرع فلو كان ده تم باستخدام الظلم كان النظام كله انهار بعد موته ..ده غير إن هيرودوت اللي قال إن الملك كان بيشغل العمال بنظام السخرة جه بعد بناء الهرم بألفي عام، وكمان اعتمد على صغار المترجمين، والكهنة اللي كانت معرفتهم ضئيلة .
بالنسبة لمقابر عائلة خوفو فهي تقع من الناحية الشرقية من الهرم حيث توجد 3 أهرامات صغيرة، وأما موظفيه، وتابعيه فلهم مقابر على الجهة الغربية بعد خوفو؛ ونظرًا لوفاة الوريث الشرعي ابنه الأمير (كاوعب) حصل نزاع بين أفراد الأسرة المالكة وتمكن) جدف رع (يبدو أنه ابن من زوجة ثانوية أن ينال الحكم بعد زواجه من أرملة كاوعب الأميرة حتب حورس الثانية، ويبدو أنه لم يرزق منها بنسل وقد مكث في الحكم ثمان سنوات بنى فيها هرمه الخاص في منطقة أبي رواش شمال الجيزة وهو أول من اتحذ لقب) سا- رع) أي ابن الاله.
وبعده جه أخوه الملك (خفرع) اللي اتجوز بنت الأمير كاوعب من زوجته حتب حرس الثانية ويقال إن فترة حكمه 66 سنة إلا أنها تبدو غير معقولة نظرًا لطولها وشيد هرمه علي ربوة عالية ورا هرم أبيه؛ علشان اللي ينظر ليها يعتقد إن هرمه أعلى، وطبعًا في الحقيقة هرمه أقل .
هرم خفرع :
ويعتبر هرم خفرع هرمًا مثاليًا؛ علشان بيتكون من الأجزاء الأربعة المعروفة ضمن تكوين أي هرم .. الهرم، والمعبد الجنزي، ومعبد الوادي، والطريق الصاعد الموصل بينهم الاتنين والهرم ده اتسمى)ورخعفرع) ومعناه عظمة خفرع، وارتفاعه يصل إلي143.5 متر وهو مقام علي مساحة مربعة طول الضلع فيها215.5 متر، وللهرم مدخلين من الناحية الشمالية، ومازالت قمته تحتفظ بالغطاء المكون من أحجار الكساء.
ومن الحاجات اللي عثروا عليها في معبد الوادي تمثاله الشهير الإله (حورس) في صورة الصقر؛ ليحميه وهو الآن بالمتحف المصري.
أبو الهول:
جزء من المجموعة الهرمية للملك خفرع ويقع علي مقربة من معبد الوادي، وقد كان في الأصل عبارة عن كتلة حجرية ضخمة يستخدمها العمال؛ للحصول علي الحجارة اللازمة لبناء المقاب، والمعابد، ولما هي معدتش ليها استخدام فكر أحد المهندسين في نحتها في صورتها الحالية، وهي بتمثل صورة أسد رابض له رأس إنسان، وهو للملك خفرع يلبس التاج الملكي، وله لحية إلى جانب حية الكوبرا علي جبهته . وفي الدولة الحديثة أصبح أبو الهول إلهًا للشمس وسموه )حور أم آخت ( ومعناها الإله حورس في الأفق ) ومن المعروف من الأساطير المصرية أن مهمة الأسد كانت بتتمثل في حماية الجبانات فيقول أبو الهول في نص يرجع للأسرة 26«إني أحافظ علي مقبرتك وأحرس حجرة دفنك وأطرح عنها الغرباء ..الخ»
وبعد الملك خفرع ييجي الملك (منكاورع) والمعلومات عن منكاورع قليلة إلا أن النصوص اللي اتكلمت عنه فيما بعد وصفته بالطيبة، والعطف وكان لقبه هو(واج إيب) أي القلب الأخضر أي الشاب، وبردية) تورين) بتقول إنه حكم 18 سنة؛ ولأن الجزء ده من البردية كان تالف ففيه آراء بتقول إنه ممكن يكون حكم28 سنة .بدأ منكاورع في بناء هرمه الخاص، ويبدو أنه لم يتمكن من إكماله بالشكل المطلوب؛ علشان الغطاء الخاص بيه من الجرانيت يدوبك مغطي نصفه بس، ويبلغ ارتفاع الهرم 62 متر،وطول ضلع قاعدته 108.5 متر . فيه مومياء، وغطاء خشبي ومنقوش عليه اسم الملك منكاورع في المتحف البريطاني .
بعد منكاورع جه الملك (شبسكاف) ابن منكاورع آخر ملوك الأسرة الرابعة، وقد تزوج من أخته ابنة الملك منكاورع (خنت كاوس)، وفي عهده زاد نفوذ كهنة رع اللي تمكنوا من إزاحته عن الحكم، وتعيين حاكمًا منهم، وبدأوا في فرض سيطرة الإله رع، وتحجيم سلطة حورس اللي كان يعتبر الإله الرسمي، والسائد في مصر حينها . حاول منكاورع تحجيم سلطة الكهنة؛ فمبناش هرم خاص به اللي كان ليه صلة بعبادة إله
الشمس، وكمان رفض ينسب اسمه إلي اسم الإله رع . إلا إن فترة حكمه القصيرة اللي هي أربع سنين ممكنتهوش من تحجيم سلطة الكهنة اللي انقلبوا عليه في النهاية .
والملحوظ إن سلطة الكهنة كانت بتزيد من فترة طويلة؛ ونظرًا لضعف آخر ملوك الأسرة الرابعة بدأت سيطرتهم تزيد لغاية لما تولوا الحكم .
مصادر المقال :
تاريخ وحضارة مصر القديمة للدكتور سمير أديب .
